Par dorbu pi izdavuma pastuosteja redizaina idejis autore (jei beja muokslineica 1992.godā tautā lelā tiražā izguojušajai Masiļūnis gruomotai) Rēzeknis Tehnologeju akademejis doceņte Diāna Apele, sovā pīredzē i atkluosmēs dalejuos jaunuo izdavuma dizainere Valentina Siņakova i fotografeju autore Zaiga Pettere, par gruomotys volūdu runuoja žurnaliste Maruta Latkovska.
Latgolys industrialuo tehnikuma profesionaluos izgleiteibys školuotuojis Sarmeitis Meļnikovys vadeibā beja organizāta iedīņu meistarklase. Piec Masiļūnis receptu kai sieņs piec leita auga gordu gordī virīni nu rudiņa karaliskuos ūgys kirba (garbuza) i cytu duorzuoju. Beja sajiuta, ka poša Ninys k-dze te vysam kluot stuoviejuse... Te eistyn leidza dorbuojuosjuos puorlīceiba, ka iedīņu taiseišona ir cīši rodūšs process, kurā zineigs kukars ari ar pīticeigu produktu daudzumu var pabaruot lelu ļaužu pulku. Nu i skaidruoks par skaidru, ka ar taidu attīksmi svātki izadeve vīnkuorši breineigi. Paļdis vysim!
Maruta Latkovska, žurnaliste
Izdevums sagatavots ar Rēzeknes Tehnoloģiju akadēmijas Izglītības, valodu un dizaina fakultātes un Reģionālistikas zinātniskā institūta finansiālo atbalstu. Projekts realizēts ar Rēzeknes pilsētas pašvaldības aģentūras „Rēzeknes Kultūras un Tūrisma centrs”līdzfinansējumu Mazo kultūras un tūrisma projektu konkursā. Lielu paldies sakām atbalstītājiem.