RTA sadarbeibā ar Frizu Akademeju (Niderlande, vodūšais partners), Storpdisciplinarū pietnīceibys centru (Portugale), Nord Universitati (Norvegeja) i Tallinys Universitati (Igauneja) dorbojās Erasmus+ projektā “Tīseibys iz pīdereibu i lidereiba: celi (apdraudātūs) volūdu lītuojumam školuos” (2022–2024, 2021-1-NL01-KA220-SCH-000032566, OWL+).
Seminara laikā byus vareiba diskutēt par latgalīšu kinys i muzykys atteisteibu, jūs nūzeimi jaunuos paaudzis motiviešonā vuiceitīs latgalīšu volūdu ci nūvodvuiceibu. Muzikis i viesturnīks Arņs Slobožaņins i muzikis Sovvaļnīks stuosteis par sovu pīredzi i nūvāruojumim.
3.aprelī byus praktiskuos nūdarbeibys par latgalīšu volūdys korpusu (tekstu i runys) lītuojumu gramatikys apgivē, kai ari idejis stuņžu modelim, izmontojūt cytus digitalūs reikus i platformys latgaliski. Taipoš vysim, kas pīsateiks, tiks izsyuteita e-apvuiceibys platformys daļa “Volūdys profils”, kū seminarā testēs, diskutēs par tū, kai e-apvuiceibu platformu veiduot tuoļuok.
Projekta OWL+ sasnīdzamī rezultati ir:
· E-apvuiceibys platforma, kas atbylstu aktualajim vierzīnim volūdu izgleiteibā i kas byutu draudzeiga lītuotuojam, vīgli izmontojama latgalīšu, frizu, dīnvidsamu, mirandīšu i cytu regionalūs volūdu apgiviejim.
· Tīšsaistis vuiceibu moduļs, kab padzylinuotu školuotuoja izpratni par kūpīnys vajadzeibom, volūdys vuiciešonys īspiejom i multilingvismu školā.
· Digitala pavuiceiba i digitalūs reiku kūpums školuotuojim, kab atvīgluotu sovys vuiceibu programys izveidi i materiālu daudzveideibu volūdu apgivei, kur materiālu kluosts ir īrūbežuots.
Seminaram aicynuoti pīsateikt školuotuoji, studenti, nūvodpietnīceibys praktiķi, volūdu pietnīki. Seminara nūslāgumā byus aplīceiba (16 h). Pīsateikšona : https://forms.gle/aCyG1t1k5amjnqe89
