Dīnys nūmetne pusaudžim „Sūpluok”

Sākas: Pirmdiena, 6. augusts   Beidzas: Piektdiena, 17. augusts

Latgalīšu kulturys bīdreiba (LKB) ir pīsadalejuse daudzu kulturys pasuokumu reikuošonā, tymā skaitā četru pasauļa latgalīšu saītu organiziešonā, atbaļstejuse školuotuoju vosorys kursu-nūmetnis „Vosoruošona” nūrisi, pīsadolūt kai lektori voi pasuokumu dalinīki. Latvejis vaļsts symtgadis godā LKB grib radeit jaunu tradiceju – bārnu i pusaudžu nūmetņu reikuošonā. „Sūpluok” ar nūmetnis dalinīkim izdzeivojūt latviski latgaliskuos vierteibys, styprynūt teritorialuos i nacionaluos pīdereibys apziņu.

Nūmetne nūtiks nu 6. leidz 17. augustam (dorba dīnuos pļkst.8.30–16.30) Rēzeknis Tehnologeju akademijis (RTA) telpuos. Nūmetnis vadeituoja – Lolita Kivleniece-Kuzņecova, nūmetnis nūdarbeibys nūdrūšynuos muzykanti: Ēriks Zeps i Sovvaļnīks, literāte i dramys terapeite Līga Rundāne, literate i TV žurnāliste Evika Muizniece (Karonhisake), fotografs i dizaina speciālists Māris Justs, latgaliskūs izdavumu i pasuokumu veiduotuoja Ilga Šuplinska.

Nūmetni organizej LKB sadarbeibā ar RTA, nūmetni finansiali atbolsta RTA i Latgolys kulturys programys projekts „Dienas nometne pusaudžiem „Sūpluok””.

Rēzeknes Tehnoloģiju akadēmija, 2016 © Atbrīvošanas aleja 115, Rēzekne, Latvija. Tālrunis: 28325368;
Jautājumus un ierosinājumus sūtiet uz helpdesk@rta.lv