Latgolys symtgadis kongresa eiszinis

Ceturtdiena, 13. Aprīlis
Gaidūt Leldīni, svātku pacyluoteibai atbylstūša ziņa. Kai svātku duovona i gondarejuma šaļts storp kongresa dīnom byus Latgalīšu volūdys nakts. Par tuos nūrisi guodoj Jūlija Danilina, Vīsturs Kairišs, Guņtis Rasims, Edeite Husare.

Režisors Vīsturs Kairišs tū sauc par sovpateigu Juoņa dīnys gunkuri – latgalīšu volūdys napuortraukteibys cyldynuošonys simbolu. Festivala parkā pretim Latgolys viestnīceibai GORS iz diveju skotuvu tiks saukti latgalīšu literati i muzyki, lai sovstarpeigi papyldynuotu tys tuo prīšknasumus.

Pasuokumu vadeis: Kristaps Rasims, Māris Susējs, Jurs Vucāns, Rolands Keišs, bet publika varēs dzierdēt taidys grupys i izpiļdeituojus kai „Borowa MC”, „Bez PVN”, „Sovvaļnīks”, Kārlis Kazāks, „Dabasu Durovys”, Juoņs Skuteļs, „Green Novice”, „Kapļi”, „Tautumeitas”, „Laimas Muzykanti”, „Jezups i Muosys”, „Ausmeņa Records”, veiru kors „Graidi”, „Rūžupis veiri”, Guntra Kuzmina i „Skonai”, Vinsents Kūkojs, „Trikmīņs”, „Ceidari”, „Ilža”, „Upīte”, Aija Eriņa, „Rūnas”, folklorys kūpa „Sovvaļnīki”, „Fenikss”, „Trešīs Ņutona lykums”, „Unknown Artist”, „Gondreiž 10nīkā”, Laura Bicāne, „Dyrbyni”, „Rekavas dzintars” i cyti.

Sovus tekstus klauseituojim pīduovuos Anna Rancāne, Ligija Purinaša, Juoņs Ryučāns, Sandra Ūdre, Līga Rundāne, Ilze Sperga, Mārīte Slišāne, Dagnija Dudarjonoka, Karonhisake, Raibīs.

Programa paradzāta vysys nakts garumā, a tī, kas sagaidēs reitu voi pīsabīdruos nu reita, dūsīs simboliskā guojīnī nu „Gora” da Rēzeknis Tehnologeju akademejis, kur nūtiks ūtruos dīnys dorbs kongresā.

Krujam spākus Latgalīšu volūdys naktei, kas, var cerēt, puorsavērsīs simboliskā latgalīšu volūdys „dīnā” – pilnvierteigā tuos lītuojumā i funkcionalitātē dažaiduos jūmuos.



Rēzeknes Tehnoloģiju akadēmija, 2016 © Atbrīvošanas aleja 115, Rēzekne, Latvija. Tālrunis: 28325368;
Jautājumus un ierosinājumus sūtiet uz itserviss@rta.lv