Uzņemšana 2017
RTA piedāvātās studiju programmas     Budžeta vietas     Uzņemšanas komisijas darba laiks     Uzņemšanas noteikumi     Studiju maksas atlaides     RTA brošūra

Latgolys symtgadis kongresa eiszinis

Otrdiena, 11. Aprīlis
2. majā apmāram 50 Latgolys regiona školuos plānuota nūvodvuiceiba kūpā ar Latgolā pazeistamim kulturys i sabīdryskajim darbinīkim, aktivim jaunīšim, prezeņtejūt jaunuokūs izdavumus i stuostūt Latgolys viesturis stuostu.

Ka gribim, kab myusu bārni runuotu latgaliski i pazeitu latgaliskuos vierteibys, ar jim par tom ir juorunoj i juorunoj jim pīmāruotā volūdā! Ir juopadzeivoj myusu dīnu vidē, pa jaunam juoīīt myusu tradicejuos i dzeivis veidā, tūlaik i latgaliskais tiks dzeivuoks, atsasauks syltuok.

Nūvodvuiceibā Latgolys školuos varēs satikt muzyķus: Gunti Rasimu, Sovvaļnīku, Juri Vucānu, aktīri i muzyki Kristapu Rasimu, dzejneicys: Inetu Atpili-Jugani, Māreiti Krasnobaju, Ingu Kaļvu, Ligeju Purinašu, televizejis i radejis puorstuovus: Renāti Lazdeņu, Eviku Muizneicu, Ausmu Sprukti, Skaidreiti Svikšu, storp jim byus kulturys i sabīdryskī darbinīki: Ruta Cibule, Iļze Ozoliņa, Sandra Ūdre, Jurs Viļums i cyti.

Školom tiks duovynuoti taidi izdavumi kai S. Ūdre, J. Ryučāns „Aizlauztais spaits”, „Latgalīša CV”, DVD „Viļakys ticiejumi”, „Senī omoti Dagdā”, D. Dudarjonoka, J. Skrivļa-Čevere, L. Purinaša, G. Nagle „Linejis”, I. Atpile-Jugane „Mūdynuot muokuļus”. Ari jaunais izdavums suokumškolys školānim I.Šuplinska, L.Rundāne, A. Andrejeva „Gostūs pi Boņuka. Stuosti bārnim par Latgolu”. Taipoš ar bārnim interaktīvā veidā tiks puorrunuots Latgolys viesturis stuosts, paraaudzeitys izgleitojušuos datorspēlis par Latgolu.

Ceram iz školu atsauceibu!

Bet 2. majā 17.00 Rēzeknis Tehnologeju akademejā (Stykla terasē) nūtiks izdavuma I.Šuplinska, L.Rundāne, A.Andrejeva „Gostūs pi Boņuka. Stuosti bārnim par Latgolu” prezentaceja. Aicynuots sevkurs interesents!



Rēzeknes Tehnoloģiju akadēmija, 2016 © Atbrīvošanas aleja 115, Rēzekne, Latvija. Tālrunis: 28325368;
Jautājumus un ierosinājumus sūtiet uz web@rta.lv