Latgolys symtgadis kongresa eiszinis

Otrdiena, 14. Marts
Esi vīns nu nūvodvuiceibys školuotuojim! 4. pasauļa latgalīšu saītā 2. majā ir paradzāta nūvodvuiceiba kūpā ar Latgolā pazeistamim kulturys i sabīdryskajim darbinīkim, prezentejūt jaunuokūs izdavumus i stuostūt Latgolys viesturis stuostu “Latgolys symtgadis ceļs dažaidūs medejūs”

Pamatmierkis – aptvert piec īspiejis leluoku Latgolys i tyvuokuos apleicīnis nūvodu (Varakļuonu, Madūnys, Jākabpiļs) vyspuorzigleitojušuos i specialuos školys (ari Muzykys i muokslys, profesionaluos), stuostūt par 1917. goda kongresa lūmu Latvejis tapšonā i Rēzeknis pasuokumim 5.–7. majā, kai ari popularizejūt i duovynojūt jaunuokūs izdavumus i, prūtasm, īpazeistynojūt ar sevi, sovu davumu Latgolys kultūrvidē.

Kai tys varātu nūtikt? Latgolā i tyvejā apleicīnī ir ap 200 školu. Byutu labi, ja tys, kas plānoj īsasaisteit, plānuotu 2–3 školys, byutu jauki, ka tuos byutu ari juo absolvātuos školys (prūtams, ka daudzi ir vuicejušīs, pīvadumam, Kuorsovys ci Rēzeknis 5. vydsškolā, tod gon: 1) prīškrūka absolventam, 2) i juoizavielej cyta škola, ka tī teišom jau vairuoki prīškā. Dalykumā anketa, kur juonūruoda napīcīšamī dati.

Taitod – IZAVIELEJ školys, kuruos vari byut 2. majā!

Kotrā školā byutu juosasateik ar divom auditorejom (mozuokā ci interešu izgleiteibys školā varātu byut vīna tikšanuos): ar suokumškolys (1.–4. klase) i puorejim (5.–12.klase).         A vydsškolā, ja var saplānuot, pat treis tikšanuos.

Dalykumā ir školu saroksts, nu kura izavēlēt. Jem vārā, ka Dagdys, Kuorsovys, Kaunotys, Maltys, Rekovys i Preiļu piļsātys vydsškolys jau aizjimtys, Škaunis i Upeitis         pamatškolys.

Ka gribi pīsadaleit, roksti ilga13@inbox.lv, tod sajimsi prezentacejis gaitys aprokstu i cytu organizatorisku lītu skaidruojumu.

EXCEL  Skolu saraksts



Rēzeknes Tehnoloģiju akadēmija, 2016 © Atbrīvošanas aleja 115, Rēzekne, Latvija. Tālrunis: 28325368;
Jautājumus un ierosinājumus sūtiet uz itserviss@rta.lv